Ֆրանչիսկոս Պապին Հայաստան Ճամբորդութեան նշանաբանը`''Այց առաջին քրիստոնեայ երկիր''

(Ռատիօ Վատիկան) ''Այց առաջին քրիստոնեայ երկիր'' այս է Ֆրանչիսկոս Պապին յառաջիկայ 24 -26 Յունիս 2016-ին, Հայաստանի Հանրապետութեան կատարելիք առաքելական այցելութեան նշանաբանը։  Հայաստանը արդարեւ նկատուած է առաջին քրիստոնեայ ազգը շնորհիւ Հայոց ազգի առաջին Հայրապետ` Սուրբ Գրիգոր Լուսաւորիչի եւ Տրդատ Գ Թագաւորի համատեղ ջանքերուն, որոնք 301-ին Հայաստանի մէջ քրիստոնէութիւնը հռչակեցին որպէս պետական կրօն։

Կլորաձեւ խորհրդանիշը կազմուած է երկու գոյներէ` մանիշակագոյն ու դեղին, որոնք կը յատկանշեն Հայաստանեայց եկեղեցւոյ Մայր Աթոռ Ս. Էջմիածնի եւ Վատիկանեան դրօշներու գոյները։ Այնտեղ զետեղուած են նաեւ Մայր Աթոռ Սուրբ Էջմիածնի եւ Վատիկանի զինանշանները ու խորքին պատկերացուած են ''պիպլիական'' Արարատ լեռը ու Խոր Վիրապի վանքը` ուր Սուրբ Գրիգոր Լուսաւորիչ շուրջ 14 տարիներ բանտարկուեցաւ։

Քահանայապետի առաքելական ճամբորդութեան կլորաձեւ խորհրդանիշի երկայնքին գրուած է ''Ֆրանչիսկոս Պապ Հայաստան 24-26 Յունիս 2016'' ապա ''Այց առաջին քրիստոնեայ երկիր''։